Kári Stefánsson, forstjóri Íslenskrar erfðagreiningar, deildi í dag mynd af ketti. Kári biður fólk sem hefur séð köttinn að hafa samband við hann. „Félagi minn og fóstbróðir hann Huginn er týndur. Það er einmannalegt að sitja yfir kaffibolla og geta ekki rætt við hann heimspeki og vandamál líðandi stundar,“ skrifar Kári í athugasemd undir myndinni.

Kári gaf DV góðfúslegt leyfi til að deila myndinni af kettinum áfram í von um að hann finnist. „Það er mjög erfitt að hafa ekki tækifæri til þess að ræða við þennan djúpvitra einstakling á morgnana,“ segir Kári í samtali við DV.

Þá skrifar Kári ljóð um ástandið í athugasemd undir myndinni. Það hljóðar svona:

Lífið út í Hróa hött

horfin sólin bjarta

er ég sit og syrgi kött

sorg í gömlu hjarta

Þeir sem hafa séð köttinn eða hafa upplýsingar um hann eru beðnir um að hafa samband við Kára í síma 869-3915.

Hér fyrir neðan má sjá myndina af kettinum:

https://www.facebook.com/karistefansson66/posts/10158561132074089