Rúnar Alex Rúnarsson markvörður Arsenal er að venjast lífinu hjá félaginu og ræðir það við enska miðilinn Goal. Rúnar gekk í raðir Arsenal í síðasta mánuði en hefur ekki spilað hingað til.

Arsenal keypti Rúnar frá Dijon í Frakklandi eftir að hafa selt Emiliano Martinez til Aston Villa. Rúnar er ætlað að veita Bernd Lendo samkeppni um markvarðarstöðuna.

„Ég las viðtal við Martinez fyrir nokkrum dögum þar sem hann segir frá því að hann hafi verið níundi kostur Arsenal í markið þegar hann kom. Hann lagði endalaust á sig og varð fyrsti kostur í markið þegar Leno meiddist. Svo fær hann þetta frábæra skref til Villa fyrir 20 milljónir punda, þessi saga á að kveikja neista í öllum,“ sagði Rúnar.

„Þetta er planið mitt, leggja endalaust á mig og njóta hverrar mínútur til þess að fá að spila eins mikið og hægt er.“

Áður en Rúnar skrifaði undir hjá Arsenal þá talaði hann við alla aðila sem ráða hjá félaginu. „Ég talaði við alla, Edu, Arteta og Inaki Cana. Þeir þurfti ekki að sannfæra mg mikið, ég vildi bara vita hvernig planið þeirra með mig væri. Ég er á besti aldri sem knattspyrnumaður, það var mikilvægt fyrir mig að þeir væri að hugsa eins og ég.“

„Fyrsta símtalið var alveg magnað, ég trúði þessu varla. Ég er að venjast þessu núna að ég sé að spila fyrir svona stórt félag.“

Boltinn rúllaði hratt eftir fyrsta símtalið. „Það gerðist allt svo hratt, ég fór í læknisskoðun og kláraði hlutina. Skrifaði undir reyndi að venjast þessu. Þú þarft að vera fljótur að aðlagast hjá stóru félagi, það er ekki tími fyrir nein mistök.“

„Ég veit að þetta verður erfitt, ég mun leggja mig fram allan tímann til að spila eins mikið og hægt er. Ég get bara treyst á mig sjálfan, ég mun gera það.“