Deilur Ragnars Þórs við stjórnarmeðlimi Lífeyrissjóðs verslunarmanna, LIVE, náðu vissum hápunkti í gær þegar Ragnar Þór lýsti yfir vantrausti á varaformann stjórnarinnar, Guðrúnu Hafsteinsdóttur í Kjörís. Í kvöldfréttum RUV sagði Ragnar svo að „Guðrún Hafsteinsdóttir ætti að snúa sér að því sem hún gerir best, sem er að framleiða ís.“
https://t.co/tJTZxugTK9 pic.twitter.com/QUxv9BthJG
— Jakob Helgi (@jakobhelgi) September 23, 2020
Ummælin vöktu mikil og hörð viðbrögð víða á samfélagsmiðlum, sérstaklega á hægri væng stjórnmálanna. Þannig sagði til að mynda Friðjón Friðjónsson almannatengill:
Sjitt hvað Ragnar Þór var að taka mikið karlrembukast í fréttum! Konan á bara að gera það sem hún gerir best, að selja ís!
— Friðjón Friðjónsson (@fridjon) September 23, 2020
Tóku fjölmargir upp hanskan fyrir Guðrúnu og bentu á að hún hafi verið forstjóri stórfyrirtækis í 23 ár og í ýmsum stjórnum, ráðum og trúnaðarstörfum í viðskiptalífinu, lífeyrissjóðskerfinu og menntageiranum.
Ragnar Þór er ómerkileg karlremba og hefur aldrei verið neitt annað. Úlfur í sauðagæru!
— Ingibjorg Hinriksd (@ingibjhin) September 24, 2020
Ragnar sjálfur virðist hafa tekið lífinu með ró í gær og fór og fékk sér ís. Myndinni hér að neðan deildi hann á samfélagsmiðlum í gærkvöldi. Aðspurður af Facebook vinum sínum hvort um væri að ræða Kjörís, svaraði Ragnar „Að sjálfsögðu Kjörís.“
