Jurgen Klopp, stjóri Liverpool, var óánægður með dómgæsluna í leik gegn Burnley í dag.
Liverpool þurfti að sætta sig við 1-1 jafntefli á Anfield en fékk tækifæri til að gera út um leikinn.
,,Þetta var mjög góður leikur en við opnuðum hurðina fyrir Burnley og hefðum átt að loka henni. Við hefðum átt að skora tvö, þrjú eða fjögur mörk,“ sagði Klopp.
,,Dómarinn sleppti því að dæma á margar tæklingar svo það var augljós hætta þegr boltinn kom inn í teiginn. Þeir gerðu það sem þeir eru góðir í og ég virði það.“
,,Þetta er okkur að kenna því við hefðum átt að loka leiknum en gerðum það ekki.“
,,Við lokuðum leiknum ekki og þeir nýttu sitt tækifæri. Þetta er eins og tapaður leikur. Við þurfum að sjá betur um leikina.“
,,Við vorum reiðir út í dómarann en verðum fyrst og fremst að gagnrýna okkur sjálfa.“