CCP flytur í nýjar glæsilegar höfuðstöðvar í Vatnsmýri. Þar munu um 230 starfsmenn CCP starfa. Nær allir starfsmenn CCP hafa unnið heiman frá sér síðustu þrjá mánuði og verður það einnig í boði í sumar fyrir þá sem það kjósa. Samhliða flutningunum hefur CCP sett af stað tilraun við að auka heimavinnu starfsmanna sinna, og mælst er til þess að starfsfólk vinni heima á föstudögum. CCP stefnir einnig á meiri sveigjanleika um hvar fólk sinni vinnu sinni og fetar þar í fótspor margra stórra tæknifyrirtækja á borð við Facebook, Twitter og Google. CCP verður með heila hæð í Grósku í Vatnsmýri, en fleiri fyrirtæki á sviði nýsköpunar og tækni munu eiga heimili í húsinu.
Myndband af nýja húsnæðinu getið þið séð hér að neðan.
