Grótta hefur náð samkomulagi við Breiðablik um að fá Karl Friðleif Gunnarsson að láni fyrir átökin í Pepsi max deildinni á komandi keppnistímabili.
Karl Friðleifur er fæddur árið 2001 og uppalinn í Kópavoginum hjá Breiðabliki. Hann hefur verið fastamaður í yngri landsliðum Íslands í gegnum tíðina, en hann hefur leikið samtals 27 landsleiki fyrir Íslands hönd og skorað í þeim 7 mörk.
Karl steig sín fyrstu skref í efstu deild í fyrrasumar, en þá kom hann við sögu í tveimur leikjum Breiðabliks undir stjórn Ágústar Gylfasonar.