Raheem Sterling, leikmaður Manchester City er hræddur við það að fara af stað í ensku úrvalsdeildinni. Deildin hefur verið í pásu í tvö mánuði vegna kórónuveirunnar.

Sterling hefur séð fólk í kringum sig missa ástvini i baráttu við veiruna sem hefur herjað hvað verst á England í Evrópu.

Enska úrvalsdeildin vonast til þess að fara af stað í júní en óvissa er með þau plön. „Nánir vinir mínir hafa misst fólk í kringum sig, ég hef líka séð fólk úr minni fjölskyldu tapa baráttunni gegn veirunni,“ sagði Sterling.

,,Þú verður að fara varlega og hugsa um þá sem eru þér næst. Við viljum öll spila fótbolta aftur en það er alvarlegt ástand í landinu.“

,,Þegar boltinn fer af stað aftur þá verðum við að tryggja að það sé öruggt fyrir alla. Ég veit ekki hvernig þetta mun virka, en þegar öryggi allra er tryggt þá er í góðu lagi að fara af stað.“