Starfsmenn og stuðningsmenn Liverpool eru móðgaðir yfir þeim fréttaflutningi að ekki sé hægt að treysta stuðningsmönnum félagsins. Daily Mail fjallar um.

Fjallað hefur verið um það að ótti sé við það að stuðningsmenn Liverpool hópist saman af deildin fer af stað.

Kórónuveiran hefur leikið Englendinga grátt og ótti er við að hefja deildina þeim sökum. Talað hefur verið um að leika á hlutlausum völlum til að forðast það að stuðningsmenn hópist saman fyrir utan vellin.

Talað hefur verið um Liverpool í því samhengi en liðið er hænuskrefi frá því að vinna deildina, í fyrsta sinn í 30 ár. Margir hafa óttast að tugir þúsunda mæti fyrir utan Anfield til að fagna þegar liðið vinnur deildina.

Því hefur verið mótmælt af fjölda félaga að spila á hlutlausum velli og gæti það verið tekið af borðinu.

Þetta hefur móðgað þá sem koma að Liverpool og félagið telur öruggt að stuðningsmenn félagsins virði þær reglur sem eru í samfélaginu. Félagið hefur tjáð yfirvöldum að stjörnur liðsins og Jurgen Klopp verði notaðir til þess að tala við stuðningsmenn og biðja þá um að halda sér heima.