Björgunarsveitum á höfuðborgarsvæðinu barst útkall kl 12:33 vegna vélarvana báts um 400 metra utan við Straumsvík. Fjórir farþegar eru um borð í bátnum. Þrír björgunarbátar fóru úr höfn stuttu eftir að útkall barst og var óskað eftir aðstoð frá nærstöddum bátum sem sigldu í átt að vettvangi.
Þetta kemur fram í tilkynningu frá Slysavarnafélaginu Landsbjörgu.
Um klukkan eitt kom björgunarbátur að vélarvana bátnum og tók hann í tog.
