Sagnfræðingurinn Stefán Pálsson birti ansi áhugaverða mynd á Facebook-síðu sinni í gærkvöldi.

Myndin er frá Atvinnudeild Háskólans, þar sem ansi óvenjuleg atvinnuauglýsing birtist.

Skrifstofustúlka sem kann vjelritun óskast. Enskukunnátta nauðsynleg. Laun skv. Launalögum. Umsóknir Jarðarförin tilkynnist síðar.

Auglýsingin er að mestu leiti hefðbundin, allavega miðað við tíðaranda. Þó verður að teljast furðulegt þegar talað er um jarðarför í atvinnuauglýsingu, sérstaklega þegar leitað er að skrifstofustúlku en ekki prestur eða útfararstjóri.

Mögulega er um einhverskonar prentvillu að ræða. Í athugasemdakerfinu bendir einn einstaklingur á að þarna hafi mögulega einhver gleymt að skipta út línu, en það voru víst mistök sem gátu gerst þegar fólk notaði þessar svokölluðu ritvélar á árum áður.

Í athugasemdunum eru fleiri tilgátur: annar bendir á að þarna sé um að ræða atvinnutilboð til eilífðar og sá þriðji vill meina að verkfall hjá prentsmiðjunni hafi átt sér stað um þær mundir sem auglýsingin birtist.