Chelsea á Englandi þarf að borga fyrrum stjóra sínum Antonio Conte heilar níu milljónir punda.
Þetta var staðfest í kvöld en Conte var rekinn frá Chelsea á síðasta ári og tók Maurizio Sarri við.
Conte hélt því lengi fram að brottreksturinn hafi verið ósanngjarn og fór með málið fyrir dómstóla.
Ítalinn heimtaði að fá síðasta ár samningsing borgað en Chelsea neitaði því upphaflega.
Málið stóð lengi yfir en Conte hafði að lokum betur og þarf enska félagið að borga samninginn upp.
Chelsea getur enn áfrýjað þessari niðurstöðu en hvort það gerist kemur í ljós á næstu vikum.
