Rúnar Páll Sigmundsson, þjálfari Stjörnunnar, sá sína menn vinna 4-3 sigur á Víkingum í Pepsi Max-deild karla í kvöld.

Stjarnan var með 4-1 forystu í seinni hálfleik en Víkingar gáfust ekki upp og minnkuðu muninn, eitthvað sem Rúnar var ekki hrifinn af.

,,Við skorum tvö mörk og þeir ekki neitt, um það snýst knattspyrnan, að skora meira en andstæðingurinn,“ sagði Rúnar um hvort forystan í fyrri hálfleik hafi verið verðskulduð.

,,Við vorum fínir í stöðunni 4-1 en það voru óþarfa hjartatruflanir þarna í lokin, Víkingarnir gerðu vel með að koma til baka.“

,,Það er algjört helvítis klúður að hleypa þeim aftur inn í leikinn, það er ekki gott fyrir mig.“

,,Mér líður bara illa, þeir fengu aukaspyrnur og voru hættulegir. Það var kominn einhver fýlingur í þá. Mér leið ekkert sérstaklega vel!“

Nánar er rætt við Rúnar hér fyrir neðan.