Starfsmenn Gistiskýlisins við Lindargötu fagna nú sigri í langri baráttu en loks hefur verið lokað fyrir fíkniefnaneyslu sprautufíkla í gistiskýlinu. DV fjallaði ítarlega um ástandið í gistiskýlinu fyrr í vor og ræddi við einn starfsmanna þess, Tómas Jakon Sigurðsson, og borgarfulltrúann Baldur Borgþórsson, sem beitti sér í málinu. Í fyrstu umfjöllun DV um málið sagði Tómas meðal annars:
„Það er gríðarleg óánægja meðal starfsfólks niðri í gistiskýli og mikil starfsmannavelta hefur verið undanfarna mánuði. Aðalástæðan er sú að þarna eru rekin sjö neyslurými fyrir sprautufíkla og dreifast þau á allar þrjár hæðir hússins. Þetta skapar gríðarlega hættu fyrir bæði okkur starfsfólkið og líka skjólstæðingana sem búa í húsinu. Margir þeirra eru bara venjulegir karlar sem eru tímabundið heimilislausir, til dæmis vegna skyndilegra sambúðarslita og svo framvegis. Þessir menn eru margir ekki í neyslu.“
Mikill hiti var í málinu og var Tómasi sagt upp störfum strax eftir umfjöllun DV en uppsögnin var síðan dregin til baka.
Heiða Björg Hilmisdóttir, formaður Velferðarráðs, skýrði síðan frá því í viðtali við DV að nýtt athvarf fyrir sprautufíkla yrði opnað á Grandagarði í vor. Deilt var á það að skaðaminnkandi úrræðum væri blandað saman við neyðarhjálp fyrir aðra heimilislausa aðila en sprautufíkla, auk þess sem því var haldið fram að alls konar sprautufíklar, ekki bara heimilislausir notuðu aðstöðu í gistiskýlinu til að sprauta sig.
Tómas hefur nú ritað tilkynningu þar sem kemur fram að nú verði neyslurýmin aflögð og ýmsar úrbætur gerðar til að bæta aðbúnað starfsfólks og skjólstæðinga í gistiskýlinu. Segir Tómas og starfsmenn hafi orðið að vera með læti til að fá þessar breytingar í gegn:
Þau tíðindi hafa gerst hjá okkur í gistiskýlinu að lokað hefur verið fyrir neyslurými fyrir gesti og gangandi. Hér eftir eru þetta aðeins salerni fyrir skjólstæðinga skýlisins. Einnig eru að fara í gang framkvæmdir sem auka öryggi starfsfólks og gera lífið bærilegra fyrir skjólstæðinga. Þetta er alveg í takti við það sem við starfsfólkið á gólfinu lögðum til og ég þakka yfirmönnum mínum fyrir skjót og góð viðbrögð. Það er þannig hjá okkur borgarstarfsmönnum að allar ákvarðanir um stefnubreytingar eða framkvæmdir eru teknar langt fyrir utan okkar sjóndeildarhring. Við áttuðum okkur á því,að við þyrftum að gera læti til að fá athygli. Ekki var nóg að fara bara í fjölmiðla heldur þurftum við líka stuðning innan úr Ráðhúsinu. Við höfðum samband við Baldur Borgþórsson borgarfulltrúa og hann tók slaginn með okkur, alla leið, takk fyrir það.
Tómas ítrekar að hann hafi verið rekinn
