Það verður hart tekist á í Manchester í kvöld þegar City heimsækir United í mikilvægum leik fyrir báða aðila. United reynir að ná Meistaradeildarsæti en City berst um sigur í deildinni.
City má ekki missa stig þar sem Liverpool er á flugi, tapi liðið stigum í kvöld er Liverpool komið með níu fingur á þann stóra.
Kevin De Bruyne er frá vegna meiðsla hjá City, sem er mikið áfall fyrir félagið. Líkleg byrjunarlið eru hér að neðan.
Leikmenn United æfðu í morgun, athygli vakti að Ole Gunnar Solskjær fór með leikmenn United á gamlar slóðir. Leikmenn United æfðu á Cliff, æfingasvæðinu. Svæðið er gamla svæði félagsins, þar sem Solskjær æfði lengi vel.
Í stað þess að fara á Carrington æfingasvæðið fór Solskjær að rifja upp gamla tíma, hann reynir allt til að kveikja í sínum mönnum. Eftir vonbrigði helgarinnar, gegn Everton.
