Bjarni Þór Viðarsson er hætur í fótbolta en hann greindi sjálfur frá þessu í þáttunum Fimleikafélagið í dag.

Bjarni hefur leikið með FH undanfarin ár en meiðsli hafa sett stórt strik í reikning hans.

Bjarni var til að mynda meiddur allt síðasta sumar og mun nú taka að sér starf hjá Símanum og fjalla um fótbolta.

Önnur sería af þáttunum ‘Fimleikafélagið’ er hafin og er Bjarna fylgt á eftir í þriðja þætti.

Bjarni opnar sig aðeins um þá ákvörðun að hætta í lok þáttar þar sem hann segist ekki geta boðið fólki upp á þetta lengur.

„Já, ég er hættur. Ég hef ekki sagt mörgum það en ákvað um daginn með konunni að ég gæti ekki boðið fólki í kringum mig upp á þetta lengur,“ sagði Bjarni.

,,Ég er búinn að vera mikið meiddur þegar ég var úti, tvö eða þrjú ár af ferlinum bara fjarverandi.“

,,Það er erfitt að vera að mæta í einkaþjálfun á hverjum einasta degi.“

Rætt er við Bjarna hér fyrir neðan.