Mauricio Pochettino mun kaupa og selja hjá Tottenham í sumar ef marka má ensk blöð sem segja frá málum félagsins í dag.

Nánast er öruggt að Toby Alderweireld fari fyrir 26 milljónir punda en slík klásúla er í samningi hans.

Ensk blöð segja að Christian Eriksen fari frá Tottenham, hann vill ekki skrifa undir nýjan samning og á bara ár eftir af samningi. Tottenham neyðist því líklega til að selja hann. Real Madrid hefur áhuga.

Einnig gætu Danny Rose, Vincent Jansen og Victor Wanyama farið frá félaginu og þá þarf Mauricio Pochettino að versla.

Sagt er að hann horfi tl Jack Grealish, Jarrod Bowen, Carlos Soler og Aleksandar Mitrovic sem allt eru minni spámenn. Pochettino er hins vegar góður að þjálfa menn upp og gera þá enn betri.