Katie Price, fyrrverandi glamúrmódelið sem gekk undir nafninu Jordan, er mikill áhrifavaldur á samfélagsmiðlum í Bretlandi, eða allavega að reyna það. Hún tók upp á því á sjálfan sprengidaginn að auglýsa vörur frá Skinny Food Co, og bauð börnunum sínum upp á pönnukökur sem innihalda aðeins 27 hitaeiningar og sykurlaust síróp með.

Eins og sést á meðfylgjandi mynd sem Katie deildi á Instagram leyna vonbrigði barnanna sér ekki, þá sérstaklega Harveys, sem líst ekkert á blikinu.

https://www.instagram.com/p/Buo2uLyh_HF/

Sprengidagur er pönnukökudagur í Bretlandi og fannst fylgjendum stjörnunnar ansi hart að börnin fengu þessar aumu pönnukökur þennan dag.

„Gefðu aumingja börnunum smá Nutella,“ skrifar einn fylgjandi og annar bætir við: „Harvey er að hugsa: Ég ætla ekki að borða þetta drasl!“

Katie varð næstum því gjaldþrota á síðasta ári og hefur staðið í ströngu að þéna nóg til að halda sér og börnunum uppi, meðal annars með því að gera auglýsingasamninga við fyrirtæki á borð við Skinny Food Co.