Ef Ítalía er draumalandið þitt þá sérð þú þér kannski hag í að sækja um hjá Airbnb, en fyrirtækið hyggst greiða fjórum einstaklingum fyrir að búa í þorpinu Grottole til að „upplifa dreifbýlislíf Ítalíu.“

Viðkomandi munu fá kennslu í ítölsku ásamt kennslu í ræktun matjurta sem karlmaður að nafni Andrea mun sjá um.

Einnig er kennsla í að elda ekta ítalskan mat sem dásamleg kona að nafni Rosa mun sjá um og einnig er nægur tími til að kynnast ítalska landslaginu með því að ferðast um á bíl.

Þetta hljómar sem draumur fyrir marga, en er staðreynd sem bærinn Grottole þarf á að halda því þar búa aðeins 300 manns og bæjarbúar eru hræddir um að bærinn muni tæmast í náinni framtíð eftir því sem fleiri flytja til nálægra stórborga.

Á meðan á dvölinni stendur munu aðilarnir einnig vinna sjálfboðavinnu fyrir félagið Wonder Grottole sem hefur það að markmiði að „endurnýja miðbæinn og sögu hans.“

„Fluttu burt úr ys og þys borgarinnar og gerstu íbúi tímabundið í þorpi í suður-Ítalíu.

Sökktu þér í staðbundna menningu og uppgötvaðu hvernig á að tala, hegða þér og elda á ítalskan hátt. Þú færð einnig að styðja við samfélagið með því að segja frá upplifun þinni á Airbnb. Markmið þitt? Að hjálpa til við að endurlífga fámenna þorpið Grottole.“

Hægt er að sækja um fyrir 17. febrúar kl. 11.59 hér.

Rétt er þó að taka fram að einstaklingar búsettir á Íslandi geta ekki tekið þátt.