Chelsea gæti hjálpað Arsenal að næla í vængmanninn Gelson Martins á láni frá Atletico Madrid.
Arsenal getur ekki keypt leikmann í þessum janúarglugga en gæti þó nælt í leikmenn á láni.
Martins er líklega á förum frá Atletico en hann var ekki í leikmannahópnum gegn Huesca í gær.
Hann er sterklega orðaður við Arsenal en það veltur á því hvort Atletico geti fengið leikmann inn í staðinn.
Arsenal þarf því að treysta á að Chelsea nái að selja framherjann Alvaro Morata til Atletico svo Martins verði fáanlegur.
Chelsea reynir að koma Morata til Spánar og vill fá Argentínumanninn Gonzalo Higuain frá Juventus á móti.
