Þrír létust eftir alvarlegt umferðarslys á Suðurlandsvegi við Núpsvötn. Í fyrstu tilkynningu frá lögreglu var greint frá því að fjórir hefðu látist. Hið rétta er að þrír eru látnir, og leiðréttist það hér með. Eitt barn er meðal látinna, og hafa hinir fjórir slösuðu verið fluttir á sjúkrahús í Reykjavík en þeir voru allir með meðvitund þegar viðbragðsaðilar komu að. Sjö breskir ferðamenn voru í bifreiðinni sem féll fram af brúnni við Núpsvötn.
