Jurgen Klopp, stjóri Liverpool, gat brosað í kvöld eftir 3-1 sigur sinna manna á Manchester United.
Xherdan Shaqiri kláraði United í leik kvöldsins en hann skoraði tvö mörk fyrir liðið í síðari hálfleik eftir að hafa komið inná.
Klopp fékk skilaboð um að setja Shaqiri fyrr inná en hann ákvað að bíða aðeins með það sem skilaði sér.
,,Frammistaðan var algjörlega mögnuð. Við sáum lið United og við vissum af gæðunum sem eru þarna,“ sagði Klopp.
,,Þeir eru mjög skipulagðir með fimm til baka og við vissum að þetta yrði erfitt en planið var að taka áhættur og sýna hugrekki.“
,,Þetta var bara frábært og svo verðskuldað. Þetta er lið í topp, topp klassa og ég elska það.“
,,Þeir [þjálfararnir] sögðu mér að segja Shaqiri inná fyrr en svo kom hann inná og tímasetningin var ekki svo slæm.“
,,Ég held að þeir hafi ekki viljað vera svo varnarsinnaðir en við hleyptum þeim ekki út. Þeir áttu sín augnablik en í heildina var þetta frábært.“
,,Alisson gerði sín önnur mistök en völlurinn var blautur og Lingard var þarna. Þetta var óheppni en við héldum áfram.“
