Luka Modric, leikmaður Real Madrid, er pirraður út í þá Lionel Messi og Cristiano Ronaldo, fyrrum bestu leikmenn heims.
Modric var fyrr í mánuðinum valinn besti leikmaður heims en hann fékk Gullknöttinn fræga eða Ballon d’Or verðlaunin afhent.
Ronaldo og Messi skiptu verðlaununum á milli sín í tíu ár en nú var loksins komið að öðrum að vinna.
Þeir létu ekki sjá sig á verðlaunaafhendingunni, eitthvað sem Modric var alls ekki hrifinn af.
,,Ég get ekki útskýrt af hverju einhver mætti ekki – það er þeirra ákvörðun. Er það ekki?“ sagði Modric.
,,Það er eins og þessi verðlaun séu bara þýðingarmikil þegar þeir vinna þau.“
,,Það er ekki sanngjarnt gagnvart kollegum þeirra eða þeim sem kusu þá besta síðustu 10 árin.“
,,En ég endurtek það sem ég sagði, allir haga sér eins og þeir halda að þeir telja að sé best fyrir sig.“