Jurgen Klopp, stjóri Liverpool, trylltist um helgina er hann fagnaði sigurmarki sinna manna í 1-0 sigri á Everton.
Klopp hljóp inn á völlinn eftir sigurmark Divock Origi en hann gerði eina mark leiksins á 96. mínítu í uppbótartíma.
Margir segja að Klopp hafi sýnt Everton óvirðingu með þessu fagni en John Arne Riise, fyrrum leikmaður liðsins, er ósammála.
,,Þetta sýnir ástríðu. Hann var ekki að sýna neinum vanvorðingu, hann hljóp bara því þú getur ekki stjórnað tilfinningunum þegar svona gerist,“ sagði Riise.
,,Við vitum öll hversu ástríðufullur Klopp er, hann hleypur reglulega upp og niður hliðarlínuna og nú fór hann á völlinn sem var frábært að sjá.“
,,Ég skil af hverju aðrir stjórar eða stuðningsmenn tala um þetta, það sama hefði gerst ef einhver annar hefði gert þetta.“
,,Í lok dags þá er þetta vegna ástríðu og hann fagnaði ekki fyrir framan stuðningsmennina þeirra. Hann fagnaði með sínum eigin leikmönnum. Það ætti að vera í lagi og ég elskaði að sjá það.“