En það dró ekki úr staðfestu Jase sem skrifaði bréfið og setti það í póstkassann. Á umslagið hafði hann skrifað:
„Kæri póstmaður, getur þú komið þessu bréfi til skila til pabba míns sem er uppi í himninum, hann á afmæli. Takk fyrir.“
BBC skýrir frá þessu og móðir Jase, Teri Copland, skrifaði um það á Facebook.
Það ótrúlega gerðist að Jase fékk svar við bréfi sínu. Eðlilega var það ekki frá föður hans heldur frá bresku póstþjónustunni Royal Mail. Þar hafði Sean Milligan, sem er yfirmaður dreifingarmála, fengið bréfið í hendurnar. Hann gaf sér tíma til að svara Jase og gladdi það hann og móður hans mikið.
„Það var erfitt að forðast stjörnur og aðra hluti í geimnum á leiðinni til himna. En við getum fullvissað þig um að þessu miklvæga bréfi var komið til skila.“
BBC hefur eftir Teri að svar póstsins hafi endurvakið trú hennar á mannkynið og að hún vilji gjarnan að fólk átti sig á hversu miklu máli svona lítill og kærleiksríkur hlutur getur skipt. Það að starfsmenn póstsins hafi gefið sér tíma til að skrifa Jase bréf hafi veitt honum svo mikla gleði.
Á Facebook sagði hún meðal annars:
„Fyrir nokkrum vikum sendi sjö ára sonur minn bréf til föður síns á himninum og í dag fékk hann flott svar frá póstinum. Ég get ekki lýst gleði hans yfir að hafa fengið bréf . . . . Þið þurftuð ekki að svara, þið hefðuð geta hunsað bréfið en það að þið hafið gefið ykkur tíma til að svara litlum dreng, sem þið hafið aldrei hitt, er rosalega vel gert af Royal Mail.“
