Kingsley Coman, leikmaður Bayern Munchen, viðurkennir að leikmannahópur liðsins sé orðinn ansi gamall.
Bayern hefur verið langt undir væntingum á þessu tímabili og er þjálfarinn Niko Kovac sagður vera valtur í sessi.
Fimm leikmenn yfir þrítugt byrjuðu leik gegn Dortmund um helgina sem tapaðist með þremur mörkum gegn tveimur.
Coman er sjálfur aðeins 22 ára gamall en margir aðrir lykilmenn liðsins hafa verið hjá félaginu í mörg ár.
,,Við erum með mjög gott lið en það er rétt, hópurinn er kominn á aldur,“ sagði Coman.
,,Það er mikilvægt að hugsa um að fá inn nýja leikmenn þegar tíminn kemur.“
