Ekki eru allir parsáttir við nýjasta myndband rapparans Tiny, Egils Ólafs Thorarensen, sem gerði garðinn frægan á sínum tíma með hljómsveitinni Quarashi. Lagið virðist vera nokkurs konar óður til afturenda kvenna og speglar myndbandið það þema. Rassinn hefur löngum verið vinsælt viðfangsefni rappara um allan heim en hefur þó hlotið minni hljómgrunn í íslenskum rapplögum.

Þessi nýbreytni Egils fer misvel í fólk og má það sjá glögglega á innan femíníska Facebook-hópsins, Karlar að gera merkilega hluti. Þar er myndbandið gagnrýnt harðlega þó stutt sé í grínið. „Ekkert jafn fallegt og hlutgerving kvenna“ segir ein og bætir önnur við: „Er sorgmædd, ekki bara yfir fríking hlutgervingunni, heldur að svona drasl komi frá gaur sem var í einni af mínum uppáhaldshljómsveitum fyrir ca 127 árum síðan.” Sú þriðja gerir listamannsnafn rapparans sér að mati: „Ég þori varla að spyrja hvaðan nafnið „Tiny“ kemur“.

Salka Sól söngkona er ein þeirra sem gagnrýnir myndbandið og skrifar einfaldlega: „Edgy“. Þess má þó til gamans geta að Salka Sól söng hér um árið um rassa ásamt hljómsveit sinni Amabadama í laginu ,,Hossa hossa”, sem var eitt vinsælasta lag landsins árið 2014. Rétt er þó að taka fram að í því lagi var kyn eiganda rassanna hvergi tekið fram.

[youtube https://www.youtube.com/watch?v=nJfNwIG9wIo&w=560&h=315]