Þráinn Steinsson, útvarps- og tæknimaður á Bylgjunni, vaknaði upp við vondan draum í gærmorgun. Myndband af því þegar Þráinn vaknar í hljóðveri Bylgjunnar hefur vakið mikla athygli á samfélagsmiðlum og það ekki að ástæðulausu.
Eins og nafnið gefur til kynna byrja þættir Bítisins snemma á morgnana. Eitthvað virðist Þráinn hafa verið þreyttur, eða bara afslappaður, sem varð til þess að hann dottaði.
Þráinn hrökk síðan í kút þegar hann áttaði sig á því að hann átti að lesa veðurfréttirnar og er óhætt að segja að félögum hans á Bylgjunni hafi verið skemmt þegar þeir sáu viðbrögðin.
Myndband af þessu má sjá hér að neðan en það birtist fyrst á Facebook-síðu Bítisins.
