Íslenskir víkingar-víkingaskip-amerískur trukkur
Stærsti íþróttaviðburður ársins er núna í gangi, þar sem New England Patriots og Philadelphia Eagles etja kappi í Super Bowl eða Ofurskálinni. Gríðarlegur fjöldi auglýsinga rúllar yfir skjái áhorfenda og það sem vekur athygli er að Ísland á þar fulltrúa.
Það eru íslenskir víkingar sem leika í auglýsingu Dogde Ram, þar sem þeir keyra íslenska náttúru á Dogde Ram um leið og þeir syngja Queen smellinn We Will Rock You og sigla um úfinn sjó með trukkinn í eftirdragi.
Hlöðver Bernharður Jökulsson er víkingurinn undir stýri, en aðrir í víkingahópnum svo nokkrir séu taldir eru Magnús Ver Magnússon, fyrrum sterkasti maður heims fjórum sinnum, Stefán Sæbjörnsson og Sveinn Hjörtur Guðfinnsson.
Leikstjóri auglýsingarinnar er Joe Pytka, en hann hefur unnið til fjölda verðlauna, unnið með stjörnum á borð við Michael Jackson og Michael Jordan, og fyrir fyrirtæki eins og Pepsi og Dodge Ram.
Uppfært: Hér má sjá lengri útgáfu auglýsingarinnar.
