Nýtt Twix kemur á markað vestan hafs í desember næstkomandi, en súkkulaðistykkið heitir Twix Triple Chocolate og mun, eins og nafnið gefur til kynna, innihalda þrefalt magn af súkkulaði. Karamellan verður að sjálfsögðu á sínum stað en með súkkulaðibragði, en kexbotninn verður súkkulaðikaka. Þá verður þetta allt saman húðað með súkkulaði eins og venja er með Twix.
Þá verður einnig settur á markað ís í anda nýja súkkulaðisins í janúar eða febrúar á næsta ári.
Nýja súkkulaðistykkið var opinberað á Instagram-síðu Twix seint í gær og má með sanni segja að færslan hafi sett heim súkkulaðiunnenda á hliðina.
„Þetta verður það besta síðan internetið var fundið upp,“ skrifar einn og annar bætir við: „Glæææætan! Ég þarf þetta! Hvað getur verið betra en þetta?“
Margir eru á því að þeir geti ekki beðið fram í desember eftir þessu góðgæti.
„Get. Ekki. Beðið,“ skrifar einn grammari. „Ég held að mig sé að dreyma. Klípið mig,“ skrifar annar.
