Það er grenjandi rigning og þú þarft að komast úr bílnum og inn í hús. En hvort er betra að hlaupa eða ganga til að blotna sem minnst? Þetta er auðvitað eitt af þessum stóru vandamálum sem við þurfum stundum að takast á við í lífinu.

Þegar við erum úti í rigningu er nánast eins og hún hvetji okkur til að fara hraðar yfir. Ekki er óalgengt að sjá fólk á hraðferð þegar rignir. En borgar sig að ganga hratt eða jafnvel hlaupa þegar rignir? Blotnum við þá minna?

Þessu hafa tveir eðlisfræðingar svarað eftir að hafa reiknað þetta út á vísindalegan hátt. Það er því hægt að þakka þeim Thomas C. Peterson og Trevor W.R. Walls hjá National Climatic Data Center í Bandaríkjunum fyrir.

Niðurstaða þeirra er í stuttu máli sagt að það borgar sig að hlaupa, þá blotnum við minna.