Það var ítarlega farið yfir landsleikinn gegn Sviss í Dr. Football, hlaðvarpsþætti Hjörvars Hafliðasonar í dag.

Kristján Óli Sigurðsson og Mikael Nikulásson fóru yfir leikinn með Hjörvar en Ísland fékk 6-0 skell í Þjóðadeildinni gegn Sviss.

Íslenska liðið var ekki líkt sér í leiknum en liðið mætir Belgíu í sömu keppni á morgun.

Margir leikmenn hafa mátt þola gagnrýni eftir leikinn en Erik Hamren var að stýra sínum fyrsta landsleik.

,,Birkir Bjarnason er ekki kantmaður, Birkir er með ´Free-ride“ í landsliðinu. Þarf ekki að fara að skoða það að bekkja hann?,“ sagði Hjörvar Hafliðason um leikinn í Dr. Football.

Kristján Óli hreifst ekki af Guðlaugi Victori Pálssyni en hann fékk tækifæri í byrjunarliðinu. ,,Ég hefði alltaf haft Birkir inni á miðjunni í þessum leik frekar en Guðlaug Victor. Það er að koma betur og betur í ljós af hverju Heimir Hallgrímsson leit ekki við þessum dreng.“

Mikael Nikulásson var ekki á sama máli og Kristján og taldi að Guðlaugur hefði ekki verið slakari en Gylfi Þór Sigurðsson. ,,Af hverju er Gylfi að fá betri dóma eftir leik en Guðlaugur Victor? Þorir enginn að segja neitt af því að þetta er Gylfi Þór Sigurðsson?,“ sagði Mikael.

Þáttinn má heyra í heild hér að neðan.