Ég á oft ótrúlega erfitt með að finna mér eitthvað til þess að borða og oftar en ekki enda ég á því að fá mér það sama aftur og aftur.
Auðvitað væri bara lang best ef að maður gæti ráðið manneskju í vinnu við það að elda mat, leggja hann fyrir framan mann og skipuleggja svo nesti fyrir daginn.
Því ég er þannig að ef ég borða ekki reglulega og rétt að þá á ég það til að leita í eitthvað fljótlegt sem að gefur mér enga næringu.
Undanfarið ár hef ég því verið að vinna svolítið með fjölbreyttan, hollan og góðan mat, sem og millimál. Og mig langar til þess að deila nokkrum hugmyndum af millimálum með ykkur.
Þessir skammtar sem ég tek fram hérna eru þeir sem henta mér, auðvitað er það mismunandi. En þá er um að gera að finna út hversu mikið þú „átt“ að borða yfir daginn.
Ég get ekki borðað egg vegna þess að ég er með óþol fyrir eggjarauðunni – þess vegna kaupi ég mér bara eggjahvítur í brúsa. Svo er alltaf gott að grípa með sér banana, epli eða peru og borða það með hnetusmjöri.
Vonandi kemur þetta sér vel fyrir einhverja sem eiga í erfiðleikum með hugmyndaflugið þegar kemur að mat.
Verði ykkur að góðu !
Færslan er skrifuð af Katrínu Helgu og birtist upphaflega á Vynir.is