Steingrímur J. Sigfússon oddviti Vinstrihreyfingarinnar græns framboðs biðst afsökunar á því að hafa kallað Sjálfstæðisflokkinn fatlaðan, segir hann það að sjálfsögðu óviðeigandi og óásættanlegt orðaval. Líkt og DV greindi frá í kvöld þá lét Steingrímur ummælin falla á pallborðsfundi með nemendum Menntaskólans á Akureyri.
Baðst hann afsökunar á ummælum sínum á fundinum og vill hann ítreka afsökunarbeiðni sína, segir hann að honum hafi orðið á: „Það er að sjálfsögðu óviðeigandi og óásættanlegt orðaval af minni hálfu.“
