Bæði Fjölnir og KR hafa aðeins unnið einn leik af fyrstu fimm í Pepsi deid karla í sumar.
Liðin mættust í 5. umferð í kvöld og gerðu 1-1 jafntefli.
Arnór Breki Ásþórsson kom heimamönnum yfir í fyrri hálfleik en Pálmi Rafn Pálmason jafnaði úr vítaspyrnu.
Bæði lið hafa sex stig eftir fimm umferðir.
Plús og mínus er hér að neðan.
Plús:
Björgvin Stefánsson framherji KR er að stimpla sig vel inn í leik liðsins, bætir sig dag frá degi.
Frábær byrjun Pálma Rafns í deildinni vekur verðskuldaða athygli, fjögur mörk og dregur vagninn í liði KR.
Leikur Fjölnis er að verða betri en í fyrstu umferðunum, fjörugur sóknarleikur og vörnin byrjuð að halda betur.
Mínus:
Kennie Chopart verður að fara að gera meira fyrir KR, klúðraði ótrúlegu færi í fyrri hálfleik og var slakur í leiknum.
Lið Fjönis heldur afar illa í forystu, liðið þarf að geta stýrt leikjum sínum betur.
Þóroddur Hjaltalín fær mínus fyrir að gefa KR afar ódýra vítaspyrnu.