Chris Coleman stjóri Sunderland veit ekki hvar Jack Rodwell er en hann er ekki að mæta á æfingar hjá Sunderland.
Coleman og félagar eru fallnir niður í þriðju efstu deild og er samningur Rodwell enn í gangi.
Rodwell þénar 73 þúsund pund á viku en Sunderland hefur mikið reynt að rifta samningi hans.
Hann hefur ekkert spilað síðan fyrir áramót.
,,ÉG veit ekki hvar Jack er, ef ég á að vera heiðarlegur,“ sagði Coleman.
,,Ég er ekki viss um að hann sé í formi til að spila, hann er ekki að fara að taka þátt.“