Með réttri meðhöndlum má láta matvælin endast mun lengur. Hér eru 10 ráð sem eru einföld og ættu að nýtast flestum heimilum til að draga úr kostnaði við matarinnkaupin.
Geymið engiferrótina í frystinum: Þá er mun auðveldara að rífa hana niður og hún geymist mun lengur.
Lokið fyrir plastpokana: Skerið toppinn af plastflösku, þræðið pokann í gegn og skrúfið tappann á. Gætið þess að matvaran sé þurr svo raki lokist ekki inni í pokanum.
Vefjið sellerí, spergilkál og kál inn í álpappír: Gerið þetta um leið og komið er heim úr búðinni og matvælin haldast fersk mun lengur.
Leggið eldhúspappír ofan á salatið: Pappírinn dregur í sig raka og salatið geymist mun lengur.
Frystið kryddjurtirnar í ólífuolíu: Hellið ólífuolíu í klakaform og setjið kryddjurtirnar út í. Olían mun draga í sig bragð af jurtunum. Notið eftir þörfum til steikingar.
Geymið kartöflur og epli saman: Eplin koma í veg fyrir að kartöflurnar spíri.
Hendið strax ávöxtum sem eru byrjaðir að rotna: Fylgist vel með hvort ávextirnir séu byrjaðir að skemmast. Mygla dreifir sér hratt og getur valdið því að matvæli sem komast í snertingu við ónýta ávöxtinn skemmist hraðar.
Vefjið plastfilmu um toppinn á bananaklasanum: Þeir geymast um það bil viku lengur.
Geymið sveppina í pappírspoka: Plast lokar inni raka sem veldur því að sveppirnir mygla.
Frystið eggin ef þau eru að renna út: Takið egg og hrærið saman með gaffli, setjið örlítið salt eða sykur, um það til ½ tsk. fyrir hver 6 egg. Það má frysta þau til dæmis 3 saman í poka sem er algengt magn í bakstri, eða í klakaformi. Einn klaki er svipað magn og eitt lítið egg. Einnig má frysta eggjahvítur og eggjarauður í sitt hvoru lagi. Ef eggjarauður eru frystar er látið örlítið salt eða ½ tsk. fyrir 12–14 eggjarauður. Það þarf ekki salt í eggjahvíturnar, aðeins skella þeim í poka, loka fyrir og setja í frysti.
