Alvaro Morata framherji Chelsea hefur beðist afsökunar á því að brjálast eftir að hafa verið skipt af velli í gær.
Morata var tekinn af velli í 1-2 sigri liðsins á Burnley. Skömmu áður en hann fór af velli, klikkaði framherjinn á dauðafæri.
Hann var afar óhress og kastaði lausum hlutum við bekkinn og hagaði sér illa.
,,Þrjú mikilvæg stig, besta leiðin til að undirbúa sunnudaginn,“ sagði Morata.
,,Ég vil biðjast afsökunar á viðbrögðum mínum þegar ég var tekinn af velli, þegar mér mistekst þá verð ég reiður út í sjálfan mig.“