Kourtney Kardashian og Justin Bieber voru mynduð saman um helgina og skemmtu þau sér vel saman langt fram á nótt. Justin hefur lengi verið vinur Kardashian/Jenner fjölskyldunnar en áður hafa farið af stað sögusagnir um að Kourtney og Justin væru hugsanlega meira en bara vinir.
Justin og Kourtney sáust meðal annars fyrir utan The Peppermint Club. Justin var í rifnum gallabuxum, hettupeysu, strigaskóm og með derhúfu en Kourtney var í gegnsærri blúndusamféllu við svarta silkidragt í náttfatastíl og háa hæla.
Kourtney hætti á síðasta ári með Scott barnsföður sínum en saman eiga þau þrjú börn. Þau hafa reyndar verið mynduð mikið saman upp á síðkastið og sumir slúðurmiðlar veltu því fyrir sér hvort þau hefðu náð sáttum.
