Philippe Coutinho gekk til liðs við Barcelona um helgina frá Liverpool en kaupverðið er í kringum 160 milljónir evra.

Hann er þriðji dýrasti knattspyrnumaður heims á eftir þeim Neymar og Kylian Mbappe en félagaskiptin hafa legið ansi lengi í loftinu.

Barcelona borgar Liverpool 120 milljónir evra strax en 40 milljónir evra verða greiddar í formi bónusa.

– Barcelona borgar Liverpool 5 milljónir evra þegar Coutinho hefur spilað 25 leiki fyrir félagið
– Barcelona mun borga Liverpool 20 milljónir evra þegar hann hefur spilað 100 leiki fyrir félagið
– Barcelona þarf að borga Liverpool 5 milljónir evra ef liðið kemst í Meistaradeildina (mest 10 milljónir evra)
– Barcelona þarf að borga Liverpool 5 milljónir evra ef félagið vinnur Meistaradeildina

Það verður að teljast ansi líklegt að Coutinho nái bæði 25 og 100 leikjum fyrir félagið og að liðið komist í Meistaradeildina á næstu árum og því ætti Liverpool að eiga von á ágætis fjárhæð frá Börsungum á næstu árum.