Mikil óvissa ríkir nú hjá Manchester City eftir að fréttir bárust um að Pep Guardiola muni yfirgefa félagið. Samkvæmt erlendum miðlum er spænski stjórinn afar ósáttur við hvernig fréttirnar fóru í dreifingu og tímasetningu lekans.

Leikmenn City eru sagðir hafa orðið fyrir miklu áfalli þar sem þeim hafði verið tjáð síðastliðinn laugardag að Guardiola ætlaði að halda áfram hjá félaginu. Aðeins nokkrum dögum síðar breyttist staðan skyndilega.

Guardiola kallaði leikmennina saman í neyðarfjarfund seint í gærkvöld þar sem hann staðfesti sjálfur að hann væri á leið frá félaginu. Þar bað hann leikmennina jafnframt afsökunar á því hvernig upplýsingarnar hefðu lekið út í fjölmiðla.

Samkvæmt enskum blöðum ríkir mikill ótti og óvissa innan leikmannahópsins enda hefur Guardiola verið lykilmaður í velgengni Manchester City undanfarinn áratug. Undir stjórn hans hefur félagið unnið fjölda titla, þar á meðal Meistaradeild Evrópu og nokkra Englandsmeistaratitla.

Hvorki Manchester City né Guardiola hafa enn gefið út opinbera yfirlýsingu um framtíð stjórans eða hvenær hann muni láta af störfum.