Bayern Munchen ætlar að taka slaginn við Liverpool um Yan Diomande hjá RB Leipzig.

Diomande er aðeins 19 ára gamall og hefur slegið í gegn í þýsku deildinni á tímabilinu, er með tólf mörk og átta stoðsendingar í 33 leikjum.

Liverpool er sagt líta á hann sem mögulegan arftaka Mohamed Salah, sem er á förum frá félaginu eftir tímabilið.

Bayern gæti þó haft forskot í baráttunni þar sem Diomande er sagður opinn fyrir því að halda áfram þróun sinni í Þýskalandi frekar en að fara annað, í bili hið minnsta.

Leipzig keypti Diomande frá Leganes síðasta sumar fyrir um 20 milljónir evra og hefur verðmiðinn hækkað hratt eftir frammistöðu hans í vetur.