Michael Carrick fær að öllum líkindum boð um að verða stjóri Manchester United til frambúðar eftir að liðið tryggði sér sæti í Meistaradeildinni á ný. Guardian segir frá.

Carrick, sem tók við sem stjóri tímabundið í janúar eftir hörmulegt gengi Ruben Amorim í brúnni, hefur skilað tíu sigrum í fjórtán leikjum í ensku úrvalsdeildinni og leiddi United til 3-2 sigurs á Liverpool um helgina.

Samkvæmt Guardian er staðan þannig að starfið sé í raun hans að hafna. Forráðamenn félagsins eru afar ánægðir með hans störf.

Jason Wilcox, knattspyrnustjóri, og Omar Berrada, framkvæmdastjóri, hafa verið sérstaklega hrifnir af framgöngu hans, og leikmenn virðast einnig styðja hann.

Stórir leikmenn eins og Bruno Fernandes og Harry Maguire eiga að hafa rætt við yfirmenn og tjáð þeim að þeir vildu halda Carrick í starfi.

Carrick sagði eftir sigurinn á Liverpool að hann sé mjög ánægður í starfi á Old Trafford og verður að teljast líklegt að hann taki boðinu um að vera áfram.