Freddie Woodman, markvörður Liverpool, kom óvænt inn á í grannaslag gegn Everton um helgina.

Woodman, sem er þriðji kostur í markinu á Anfield, kom inn á eftir meiðsli hjá Giorgi Mamardashvili og lék sinn fyrsta leik í ensku úrvalsdeildinni síðan 2021.

„Hélt ég einhvern tímann að ég myndi spila fyrir Liverpool í úrvalsdeildinni? Sennilega ekki, en þegar kallið kemur vil ég bara gera mitt besta,“ sagði Woodman.

Þessi 29 ára gamli markvörður viðurkennir að hlutverkið sé stundum erfitt.

„Ég er nýr í þessu hlutverki og vissi að ég fengi lítið að spila. Maður er í átta mánuði að undirbúa sig fyrir kannski 10-20 mínútur og þá verður maður bara að vera tilbúinn.“

Vegna meiðsla hjá Alisson Becker gæti Woodman fengið annað tækifæri þegar Liverpool mætir Crystal Palace um næstu helgi.

„Það væri ótrúlegt að fá annan leik í úrvalsdeildinni, sérstaklega fyrir Liverpool,“ sagði Woodman.