Reece James, fyrirliði Chelsea, er meiddur aftan á læri og gæti verið frá í þó nokkrar vikur.

James, sem er 26 ára, undirritaði nýjan sex ára samning við Chelsea í síðustu viku. Hann missti af æfingu liðsins í dag fyrir leikinn gegn Paris Saint-Germain í Meistaradeildinni.

Þetta eru tíundu meiðsli James aftan á læri síðan desember 2020. Kemur þetta á afar vondum tíma, en liðið þarf að vinna upp þriggja marka forskot gegn PSG og er í hörku baráttu um Meistaradeildarsæti í ensku úrvalsdeildinni.

Ljóst er að James mun einnig missa af komandi vináttulandsleikjum Englands síðar í mánuðinum, en hann vonast til að vera með á HM vestan hafs í sumar.