Útdrátturinn fór fram á gamlárskvöld og var miðinn keyptur á lotto.is. Þetta er einn stærsti lottóvinningur sem komið hefur til Íslands, en árið 2021 vann Íslendingur 1.270 miljónir í Víkingalottóinu.
Það hafa vafalítið margir farið yfir það í huganum hvað þeir myndu gera ef þeir myndu vinna svo stóran vinning í lottóinu. Á samfélagsmiðlinum Reddit fara fram umræður um einmitt þetta þar sem spurt er: Hvað myndir þú gera við 642 milljón krónur?
Svörin eru jafn misjöfn og þau eru mörg, en flestir segja að þeir myndu byrja á að greiða niður skuldir. Hér að neðan má sjá nokkur áhugaverð svör:
„Borga allar skuldir og fara í nám án þess að stressast.“
„Borga skuldir, reyna að lifa skynsömu [og] áhyggjuminna lífi, fara í framkvæmdir sem hafa þurft að bíða lengi vegna fjárskorts. Kíkja til tannsa í skoðun.“
„Kaupa mér aðeins stærri íbúð, nýjan bíl, ferðast og svo leggja restina inn á sparnað.“
„Borga upp námslánið. Leggja sem mest fyrir og setja hluta í trygga, langtíma fjárfestingu sem fylgir lítil áhætta. Halda svo bara áfram í námi og sjá til hvað ég ákveð að gera í framtíðinni.”
„ Held ég myndi bara setja þetta á reikning með sæmilegum vöxtum og hætta að vinna nema þá kannski fyrir sjálfan mig. Mögulega byrja eitthvað að braska ef ég nenni.”
„Kaupa íbúðir, leigja þær út vel undir markaðsverði og gera mitt besta til að keyra leiguverð niður.”
„Reyna finna einhver góðgerðarmál til að gefa megnið í. Restina kannski í að hjálpa einhverjum sem eru að reyna kickstarta einhverju sem ég hef áhuga á. Ég er í vinnu sem ég elska svo ég myndi ekki hætta að vinna og hef nóg upp úr krafsinu fyrir mig og þau sem eru mér næst.”
„Fyrst og fremst: Flytja af þessu helvítis skeri. Lifa af vöxtunum umfram verðbólgu og aldrei vinna handtak nema ég kýs að gera það. Læra á hljóðfæri, lesa ógrynni af bókum og horfa á hundruð kvikmynda á ári. Elda og baka nýjar uppskriftir í rólegheitum án tímapressu. Læra að teikna almennilega og mögulega að gera keramik. Búa með fjölskyldu minni í húsi einhvers staðar nálægt Miðjarðarhafinu, með litlu gestahúsi og bjóða vinum í heimsókn oft…”
