Samband Pep Guardiola og eiginkonu hans, Cristina Serra, er sagt vera mjög slæmt í dag en fyrr á árinu var greint frá því að þau væru að skilja.
Skilnaðurinn hefur tekið sinn tíma en búist er við að hann verði staðfestur á allra næstu dögum eða vikum.
Guardiola er stjóri Manchester City en hann hafði verið í sambandi með Cristina í 30 ár og giftust þau árið 2014.
Samkvæmt fréttum á Spáni hefur Guardiola alltaf haldið í vonina um að ná að laga sambandið en útlitið er nú mjög svart.
Cristina flutti með Guardiola til Manchester á sínum tíma en fyrir fimm árum síðan ákvað hún að snúa aftur til Spánar og rekur þar sitt eigið fyrirtæki.
Hún beið og beið eftir því að Guardiola myndi snúa aftur heim til Spánar en eftir að hann hafði framlengt samning sinn við City í desember þá fékk hún nóg og bað um skilnað.
Þau hafa reynt að halda ákveðnu sambandi vegna barnanna og sáust á meðal annars saman á Oasis tónleikum í Manchester nýlega.
Hjónabandið er þó talið vera komið á endastöð og er óljóst hvernig Guardiola mun taka þeim fréttum eftir að hafa reynt að ná eiginkonu sinni til baka.
