Gísli Rafn Ólafsson, framkvæmdastjóri Rauða Krossins á Íslandi og fyrrum þingmaður Pírata, og Sonja Dögg Pétursdóttir, byggingaverkfræðingur, hafa sett parhús sitt í Reykjanesbæ á sölu. Ásett verð er 118,9 milljónir króna. 

 „Þá er fallega húsið okkar Gísla, Kötlu og Gumma komið á sölu, en nú erum við að íhuga að flytja í sitthvora áttina eftir 4 ár tæplega saman, bæði í Garðabæ og svo hér í Njarðvík,“ skrifar Sonja á Facebook.

Húsið er byggt árið 2007 og er á tveimur hæðum, 251,4 fm, þar af bílskúr 46,2 fm.

Á neðri hæð hússins er forstofa, eldhús í opnu rými, stofa, salerni og þvottahús.

Á efri hæð eru fjögur svefnherbergi og baðherbergi. Timburverönd með heitum pott er við húsið, sem og hellulagt bílaplan fyrir framan húsið.

Nánari upplýsingar má finna hér.