Það vantaði boltasækjara á leik Vals og Þróttar í 8-liða úrslitum Mjólkurbikars kvenna í gær.
Valur vann leikinn 2-1 en sigurmarkið gerði Nadía Atladóttir undir lokin. Eftir leik var boltasækjaramálið til umræðu og gagnrýndi Ólafur Kristjánsson, þjálfari Þróttar, Valsara.
„Mér finnst þetta ekki sæmandi þegar við erum að spila leik í 8-liða úrslitum í bikar,“ sagði hann við RÚV, en ummælin voru skrifuð upp á Fótbolta.net.
„Ég efast um að þetta hefði verið svona í leik hjá karlaliði Vals. Mér fannst þetta lélegt,“ sagði Ólafur enn fremur.
