Dominic Solanke er að öllum líkindum frá út tímabilið eftir að hafa orðið fyrir enn einu meiðslunum hjá Tottenham Hotspur.

Framherjinn fór meiddur af velli eftir 40 mínútur í sigri Tottenham gegn Wolverhampton Wanderers um helgina. Rannsóknir hafa nú leitt í ljós að Solanke hefur rifið aftan í læri og gæti verið frá í þrjár til átta vikur.

Tottenham hyggst ekki útiloka hann formlega út tímabilið að svo stöddu, en líkurnar eru taldar litlar á að hann snúi aftur áður en tímabilinu lýkur.

Þetta er enn eitt áfallið fyrir Solanke sem hefur glímt við meiðsli stóran hluta tímabilsins og aðeins leikið 20 leiki í öllum keppnum. Hann sneri aftur í janúar eftir löng ökklameiðsli en þarf nú aftur á hvíld að halda.

Fjarvera hans er mikið áfall fyrir Tottenham í fallbaráttunni og gæti einnig sett heimsmeistaradraum hans í hættu, þar sem hann var í umræðunni sem varamaður fyrir Harry Kane með enska landsliðinu.