Arsenal hyggst virkja 45 milljóna punda kauprétt sinn á varnarmanninum Piero Hincapie frá Bayer Leverkusen í sumar.
Hincapie kom til Lundúna á lánssamningi á lokadegi félagaskiptagluggans í september eftir að Arsenal hafði betur gegn Tottenham í baráttunni um hann.
Mikel Arteta er sagður afar ánægður með frammistöðu Ekvadorans og hvernig hann hefur aðlagast hópnum. Hincapie hefur staðið sig afar vel undanfarið.
Hann skoraði til að mynda sitt fyrsta mark fyrir Arsenal í 2-2 jafntefli gegn Wolves og gaf stoðsendingu í leiknum þar á undan gegn Brentford.
